მუსიკალური სკოლის ტერიტორიაზე არსებულ სკვერს რეაბილიტაცია უტარდება

Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.

ქალაქ ბოლნისში ზაურ ხუჯაძის სახელობის სამუსიკო სკოლის მიმდებარე ტერიტორიაზე მდებარე სკვერი მალე ერთ-ერთი საუკეთესო ადგილი იქნება, რამდენიმე დღეა სკვერში სარეაბილიტაციო სამუშაოები მიმდინარეობს, დაიგება ბაზალტის ფილები, მოეწყობა სკამები, მწვანე ზონა და მინი ატრაქციონები. დასვენება სკვერში სასიამოვნო გახდება პატარებისთვისაც. ტენდერში გამარჯვებული კომპანია ამ ეტაპზე ამორტიზირებული ქვაფენილის დემონტაჟს და ზედაპირის მოპირკეთების სამუშაოებს ასრულებს. ობიექტზე ადგილბრივი მუშა ხელია დასაქმებული. სექტემბრის ბოლოსთვის ბოლნისს კეთილმოწყობილი სკვერი შეეემატება.