Доступно только по Грузински For the sake of viewer convenience, the content is shown below in the alternative language. You may click the link to switch the active language.
არასამთავრობო ორგანიზაციათა კონსორციუმი, რომელშიც გაერთიანებულია საქართველოს ბუნების მკვლევართა კავშირი ”ორქისი”, საქართველოს მწვანეთა მოძრაობა/დედამიწის მეგობრები–საქართველო და ეკოლოგიური ცნობიერების ამაღლება და ნარჩენების მართვა, შვედეთის მთავრობის ფინანსური მხარდაჭერით ახორციელებს პროექტს „დავასუფთაოთ საქართველო“(მე-3 ფაზა). პროექტის მიზანია, ნარჩენების მართვასთან დაკავშირებით, საზოგადოების ცნობიერების ამაღლება. სწორედ აღნიშნული კამპანიის ფარგლებში, დღეს სამცხე-ჯავახეთის სამხარეო ადმინისტრაციაში საქართველოს ბუნების მკვლევართა კავშირმა ”ორქისმა ” სამუშაო შეხვედრა-ტრენინგი გამართა, რომელსაც სახელმწიფო რწმუნებულის-გუბერნატორის ადმინისტრაციის, მხარის მუნიციპალიტეტებისა და ნარჩენების მართვასთან დაკავშირებული ორგანიზაციების წარმომადგენლები ესწრებოდნენ. შეხვედრაზე დეტალურად განიხილეს შემდეგი თემები: ნარჩენებთან დაკავშირებული საერთაშორისო ვალდებულებები, ევროპული გამოცდილება და რეგიონებში საერთაშორისო პრაქტიკის დანერგვის პერსპექტივები; საქართველოში ნარჩენების მართვის საკანონმდებლო მოთხოვნები; ნარჩენების მართვის დაგეგმვა და სტიქიური ნაგავსაყრელების გავლენის შეფასება მიმდებარე ტერიტორიების ეკოსისტემის მდგომარეობაზე; შეხვედრას ნარჩენების მართვის ექსპერტი, გეოგრაფიულ მეცნიერებათა დოქტორი ხათუნა ჩიკვილაძე და გარემოს მონიტორინგის ექსპერტი, ქიმიის მეცნიერებათა დოქტორი ნუგზარ ბუაჩიძე უძღვებოდნენ.