Доступно только по Грузински For the sake of viewer convenience, the content is shown below in the alternative language. You may click the link to switch the active language.
ფინანსთა მინისტრმა, ნოდარ ხადურმა და სამინისტროს წარმომადგენლებმა პარლამენტის შენობის წინ, გვირგვინით შეამკეს 9 აპრილის მემორიალი და პატივი მიაგეს დაღუპულ მამულიშვილთა ხსოვნას.
„დღეს ძალიან მნიშვნელოვანი დღეა საქართველოსთვის. უკვე 27 წელი გავიდა 1989 წლის 9 აპრილის ტრაგედიიდან. ჩვენი ქვეყნის უახლეს ისტორიაში სწორედ ამ თარიღიდან იწყება თავისუფლებისა და სახელმწიფოებრივი დამოუკიდებლობის აღდგენის პროცესი, რომელიც სანუკვარია ჩვენი ქვეყნის თითოეული მოქალაქისთვის. 9 აპრილის მძიმე წუთების გახსენებისას, მოვალენი ვართ პატივი მივაგოთ ჩვენი სამშობლოს საამაყო მამულიშვილების ხსოვნას, რომლებმაც სიცოცხლე შესწირეს ქვეყნის თავისუფლებისა და დამოუკიდებლობისთვის ბრძოლას. ამავე დროს, 9 აპრილი არის საქართველოს ერთიანობის, დამოუკიდებლობის აღდგენისა და წინსვლის, ჩვენი ერთსულოვნების სიმბოლო და ამ დღეს დაღუპული გმირების თავგანწირვა გვავალდებულებს დავიცვათ საერთო მონაპოვარი, რასაც დამოუკიდებელი და თავისუფალი საქართველო ჰქვია,“ – განაცხადა ხადურმა.