Доступно только по Грузински For the sake of viewer convenience, the content is shown below in the alternative language. You may click the link to switch the active language.
თოვას მუნიციპალიტეტში მნიშვნელოვანი პრობლემები არ შეუქმნია. თოვლის საფარმა დაბლობში 20 სმ-ს, ხოლო მაღალ სოფლებში 60 -სმ-ს მიაღწია. ამ დროისთვის გადაადგილება ორხიდიანი ავტომობილებით ყველა მიმართულებითაა შესაძლებელი, გარდა სოფელ დოხოძეებში, სადაც საავტომობილო გზაზე მეწყერი განვითარდა და 9 ოჯახთან მისასვლელი გზაა ჩაკეტილი. ქედის საგზაო წარმომადგენლობამ დილიდან უკვე დაიწყო გაწმენდითი სამუშაოები, ამ დროისთვის 5 მიმართულება იწმინდება. რაც შეეხება ელექტროენერგიის მიწოდებას, შუქი არ მიეწოდება დანდალოს, მახუნცეთის, პირველი მაისის, ოქტომბრისა და ზვარის მთლიან ადმინისტრაციულ ერთეულებს, ხოლო ნაწილობრივ მიეწოდება წონიარისისა და მერისის სოფლებს. მობილიზებულია მობილური ჯგუფები და 2 საათის განმავლობაში მთლიან მუნიციპალიტეტში იქნება შუქის მიწოდება შეუზღუდავად შესაძლებელი.
სასწავლო პროცესი მოსწავლეთა გამოუცხადებლობის გამო მხოლოდ სოფელ აქუცის დაწყებით კლასებში შეწყდა, ასევე აღსაზრდელთა გამოუცხადებლობის გამო 4 საბავშვო ბაღში – მერისში, წონიარისში, ახოსა და ნამლისევში.
ქედის გამგეობა ოპერატიულად რეაგირებს ყველა შემოსულ შეტყობინებაზე. სიტუაცია სტაბილურია.