პარლამენტმა სახელმწიფო ქონების შესახებ კანონპროექტს მხარი დაუჭირა

Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.

პარლამენტმა პირველი მოსმენით განიხილა და 79 ხმით, 2-ის წინააღმდეგ სახელმწიფო ქონების შესახებ კანონპროექტი, მიიღო, რომლის თანახმად, „სახელმწიფო ქონების შესახებ“ საქართველოს კანონში არსებულ სახელმწიფო ქონების შემძენ პირთა ჩამონათვალს ემატება საზოგადოებრივი მაუწყებელი.

„საქართველოს საზოგადოებრივი მაუწყებლის შენობა არის სრულად ამორტიზებული. საზოგადოებრივი მაუწყებელი თბილისში პოლიტკოვსკაიას N31-ში ახალ შენობას იშენებს, თუმცა, აღნიშნული ქონება, მიწა და მასზე არსებული შენობა-ნაგებობა მხოლოდ სარგებლობის უფლებით აქვს მას გადაცემული. აღნიშნული კანონის საშუალებით, შესაძლებელი გახდება აღნიშნული ფართი მთლიანად განკარგვის უფლებით, გადაეცეს საზოგადოებრივ მაუწყებელს, რითაც მოხდება მისი დამოუკიდებლობის რეალური უზრუნველყოფა. საქართველოს დემოკრატიული განვითარებისთვის აუცილებელია და ცალსახად საჭიროა, რომ საზოგადოებრივი მაუწყებელი იყოს დამოუკიდებელი“, – განაცხადა მომხსენებელმა, დარგობრივი ეკონომიკისა და ეკონომიკური პოლიტიკის კომიტეტის თავმჯომარის პირველი მოადგილემ, ეკა სეფაშვილმა.