Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
პარლამენტში საფინანსო-საბიუჯეტო კომიტეტის თავმჯდომარის, ირაკლი კოვზანაძის თავმჯდომარეობით, საქართველოს დაზღვევის სახელმწიფო ზედამხედველობის სამსახურის სამეთვალყურეო საბჭოს სხდომა გაიმართა.
შეხვედრას საბჭოს წევრები: ფინანსთა მინისტრი მამუკა ბახტაძე, სოფლის მეურნეობის მინისტრი ლევან დავითაშვილი, ბიზნეს ასოციაციის პრეზიდენტი გრიგოლ ჭირაქაძე და საქართველოს დამსაქმებელთა ასოციაციის პრეზიდენტი ელგუჯა მელაძე, ასევე დაზღვევის სახელმწიფო ზედამხედველობის სამსახურის ხელმძღვანელი კონსტანტინე სულამანიძე ესწრებოდნენ.
კონსტანტინე სულამანიძემ საბჭოს წევრებს დაზღვევის სახელმწიფო ზედამხედველობის სამსახურის მიერ 2017 წელს განხორციელებული საქმეები და მომავალი წლის გეგმები გააცნო.
საბჭოს წევრებმა ასევე იმსჯელეს საზოგადოებრივ თავშეყრის ადგილებში სავალდებულო პასუხისმგებლობის დაზღვევის შემოღებასთან დაკავშირებით ობიექტებისა და დაზღვევის პროდუქტის განსაზღვრის, სადაზღვევო საქმიანობისათვის მინიმალური კაპიტალის მოთხოვნის ზრდის, დაზღვევის სახელმწიფო ზედამხედველობის სამსახურის სტრუქტურული რეორგანიზაციის და სხვა საკითხების შესახებ.