Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქართველოს პრეზიდენტის ადმინისტრაციაში კატეგორიულად უარყოფენ საპარლამენტო კულუარებში გავრცელებულ ინფორმაციას, რომ თავდაცვის მინისტრის თანამდებობაზე თინა ხიდაშელის შემცვლელად მმართველი გუნდის ერთ-ერთი ლიდერის, ირაკლი სესიაშვილის კანდიდატურა განიხილებოდა, თუმცა მას პრეზიდენტმა, როგორც უმაღლესმა მთავარსარდალმა მხარი არ დაუჭირა.
დღევანდელ პრესკონფერენციაზე პრეზიდენტის პრეს-სპიკერმა ეკა მიშველაძემ განაცხადა, რომ თავდაცვის მინისტრის პოსტზე დეპუტატ ირაკლი სესიაშვილის კანდიდატურასთან დაკავშირებით პრეზიდენტთან მსჯელობა არ ყოფილა.
„შემიძლია გითხრათ, რომ სესიაშვილზე, როგორც მინისტრობის კანდიდატთან დაკავშირებით პრეზიდენტთან მსჯელობა არ ყოფილა“, – განაცხადა მიშველაძემ.
საპარლამენტო კულუარებში გავრცელებული ინფორმაციით, მთავრობა თავდაცვის მინისტრის თანამდებობაზე ყველაზე აქტიურად სწორედ ირაკლი სესიაშვილის კანდიდატურას განიხილავდა, თუმცა ის პრეზიდენტმა დაიწუნა.