Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
სახელმწიფო რწმუნებულის–გუბერნატორის ადმინისტრაციის მხარდაჭერით, რაჭაში, საყოველთაო დაზღვევის ფარგლებში, ოფთალმოლოგიური ოპერაციები (კატარაქტას ექსტრაქცია, ფაკოემულსიფიკაცია ხელოვნური ბროლით) მიმდინარეობს.
ოპერაციებს პროფესორი საშა ალექსიძე დამხმარე მედ–პერსონალთან ერთად ატარებს, პაციენტები კი საოპერაციოდ ოფთალმოლოგებმა იზა ცხვედიანმა და კობა ჩიღვინაძემ მოამზადეს.
სახელმწიფო რწმუნებული–გუბერნატორი არჩილ ჯაფარიძე სამედიცინო სფეროს წარმომადგენლებს შეხვდა და ოპერაციების მიმდინარეობას ადგილზე გაეცნო.
„რეგიონული ჯანდაცვის ცენტრის“ მიერ განხორციელებული აქციის ფარგლებში 10–12 ნოემბერს თვალის ოპერაციას ამბროლაურისა და ონის მუნიციპალიტეტებში მცხოვრები 50–ზე მეტი პაციენტი გაიკეთებს.