Доступно только по Грузински For the sake of viewer convenience, the content is shown below in the alternative language. You may click the link to switch the active language.
რეგიონული პოლიტიკისა და თვითმმართველობის კომიტეტში თემატურ მოკვლევაზე – „დეცენტრალიზაციის როლი და გამოწვევები მუნიციპალიტეტების თანაბარი სოციალურ-ეკონომიკური განვითარებისთვის“ სამუშაო ჯგუფი შეიქმნა. ჯგუფის შექმნის და წევრების შესახებ ინფორმაცია მთავარმა მომხსენებელმა, კომიტეტის თავმჯდომარის მოადგილემ, მერაბ ქვარაიამ წარადგინა. მისი თქმით, თემატური მოკვლევის ჯგუფში გაწევრიანების სურვილი კომიტეტის რამდენიმე წევრმა გამოთქვა და შესაძლოა ჯგუფის წევრების რაოდენობა კიდევ უფრო გაიზარდოს. სხდომის წამყვანის, კომიტეტის თავმჯდომარის პირველი მოადგილის, ირაკლი ზარქუას განცხადებით, კომიტეტი მნიშვნელოვან თემატურ მოკვლევას იწყებს, რომელიც დეცენტრალიზაციის როლსა და მუნიციპალიტეტების თანაბარ განვითარებას შეეხება და მის მუშაობაში მონაწილეობას დამატებით რამდენიმე მაჟორიტარი დეპუტატიც მიიღებს და მოგვიანებით სია კიდევ დაზუსტდება.