რეგიონში მასშტაბური დასუფთავების აქცია გაიმართა

Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.

სახელმწიფო რწმუნებულის–გუბერნატორის პაპუნა მარგველიძის ინიციატივით რაჭა–ლეჩხუმისა და ქვემო სვანეთის რეგიონში მასშტაბური დასუფთავების აქცია გაიმართა. აქციაში რწმუნებულის ადმინისტრაციის თანამშრომლებთან ერთად, რეგიონში შემავალი მუნიციპალიტეტების გამგეობებისა და სხვადასხვა საჯარო თუ კერძო სექტორის წარმომადგენლები მონაწილეობდნენ.
პირველ ეტაპზე დასუფთავდა ტურისტულად მიმზიდველი ადგილები, რომელთაც განსაკუთრებით ხშირად სტუმრობს ადგილობრივი და ჩამოსული მოსახლეობა. დასუფთავების აქცია არ იქნება ერთჯერადი სახის და პერიოდულად განხორციელდება ყველა მუნიციპალიტეტში.
სახელმწიფო რწმუნებულის–გუბერნატორის ადმინისტრაცია თხოვნით მიმართავს საზოგადოებას: ,, ნუ დავაბინძურებთ გარემოს, ერთად ვიზრუნოთ ჩვენი მხარის სისუფთავესა და სილამაზეზე”