Доступно только по Грузински For the sake of viewer convenience, the content is shown below in the alternative language. You may click the link to switch the active language.
თბილისის მუნიციპალიტეტის საკრებულოს ჩუღურეთის რაიონის მაჟორიტარმა წევრმა რიმა ბერაძემ მერიის წარმომადგენლებთან ერთად ჩუღურეთის რაიონში მცხოვრები 240 ბავშვი ბაკურიანში გააცილა.
როგორც დეპუტატმა აღნიშნა, 10 დან 16 წლამდე ასაკის მოზარდები მთის კურორტზე 10 დღით გაემგზავრებიან და წინა წლებთან შედარებით ბევრად კომფორტულ გარემოში დაისვენებენ.
,,ახალგაზრდების ჯანმრთელობაზე ზრუნვა და მათი გახარება ჩვენი მთავარი პრიორიტეტია. ჩუღურეთის რაიონში მცხოვრები ბავშვები, რომლებსაც ამის საჭიროება გააჩნიათ, ზაფხულის ცხელ დღეებს ბაკურიანში გაატარებენ. მოზარდებს კურორტზე ყველანაირი პირობა დახვდებათ იმისათვის, რომ ეს ათი დღე გამაჯანსაღებელ და კომფორტულ გარემოში გაატარონ“,- განაცხადა რიმა ბერაძემ.
აღნიშნული პროექტი თბილისის მერიის პროგრამის “სხვა სოციალური დახმარება”ფარგლებში და რაიონული გამგეობის ხელშეწყობით ხორციელდება.