Доступно только по Грузински For the sake of viewer convenience, the content is shown below in the alternative language. You may click the link to switch the active language.
პირადი ცხოვრების ამსახველი ვიდეოს გამოქვეყნების შემდეგ პროკურატურამ სისხლის სამართლის საქმე 157-ე მუხლით აღძრა, რაც პირადი ცხოვრების ხელყოფას გულისხმობს. ჯერჯერობით გამოძიებას ხელმოსაჭიდი არაფერი აქვს. რაიმე სახის წინსვლა, რომ ყოფილიყო ყველაფერი გასაჯაროვდებოდა. ამ სახის დანაშაულის გამოძიება ერთ-ერთი ურთულესი საქმეა ნებისმიერი ქვეყნის საგამოძიებო უწყებისათვის. ვინ უნდა აგოს პასუხი ამის გამო?!რომელი მინისტრი შეეწირება ამ საქმეს? მაღალი საზოგადოებრივი ინტერესიდან გამომდინარე არასამთავრობო ორგანიზაციები იწყებენ აქცია-პროტესტს “ეს შენ გეხება”. ასეთ შემთხვევაში, უპირველეს ყოვლისა ცხადია იმ უწყების პასუხისმგებლობის საკითხი დადგება, ვისაც უშუალოდ ეხება ამის გამოძიება. შინაგან საქმეთა სამინისტრო, მთავარი პროკურატურა და სუსი – ამ სამი უწყების ხელმძღვანელები ერთნაირად არიან პასუხისმგებელი შედეგზე. თუ საქმე გამოუძიებელი დარჩება, ერთდროულად უნდა გადადგნენ ირაკლი შოთაძე, გიორგი მღებრიშვილი და ვახტანგ გომელაური. არასამთავრობო ორგანიზაციები მცირე ხნით მოცდას აპირებენ, შემდეგ კი პრემიერ-მინისტრს სწორედ ამ ძალოვანი უწყების ხელმძღვანელთა გადადგომას მოსთხოვენ. პირველ რიგში კი ირაკლი შოთაძის. ვიდეო ტერორისტმა მომდევნო მსხვერპლთა ვინაობა დააანონსა.
ესენია: ინგა გრიგოლია, თამარ სანიკიძე, თინათინ ხიდაშელი… ძალოვნებს მნიშვნელოვანი გამოწვევაც გაუკეთა და თქვა: “31 მარტი ბოლო ვადაა იმისათვის, რომ განათლებისა და თავდაცვის მინისტრებმა დატოვონ თანამდებობები, წინააღმდეგ შემთხვევაში ახალი კადრები გამჟღავნდება.”