Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
რუსთავს ბელორუსიდან 20-კაციანი დელეგაცია ესტუმრა. დელეგაციის შემადგენლობაში ბელორუსის ახალგაზრდა მენეჯერთა საჯარო ადმინისტრირების სკოლის (SYMP) კურსდამთავრებულები – საზოგადოებრივი და არასამთავრობო ორგანიზაციების, კულტურის სფეროსა და მედიის წარმომადგენლები შედიან.
სტუმრებს დღეს რუსთავის მერის მოადგილეები – ნოდარ შეროზია და ლაშა ლობჯანიძე, საკრებულოს წევრები და მერიის სამსახურების წარმომადგენლები შეხვდნენ. შეხვედრა კითხვა-პასუხის რეჟიმში წარიმართა. საუბარი საჯარო მოხეელებისა და ზოგადად თვითმმართველობის მუშაობას შეეხო, მხარეებმა ერთმანეთს ამ მიმართულებით საკუთარი ქვეყნების გამოცდილებაც გაუზიარეს. სტუმრები ბიზნესისა და ეკონომიკის განვითარების, ბიუჯეტის ფორმირებისა და სოციალური საკითხებითაც დაინტერესდნენ.
ბელორუსის დელეგაცია რუსთავის გარდა სხვა თვითმმართველ ქალაქებსაც ეწვევა. ვიზიტის მიზანი ეფექტური მმართველობის კულტურისა და მდგრადი განვითარების სფეროში საქართველოს გამოცდილების გაცნობაა.