Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
მედიაში გავრცელებულ ინფორმაციას საპარლამენტო თანამდებობების გადანაწილებასთან დაკავშირებით „ქართული ოცნების“ პოლიტიკური საბჭოს წევრი ეკა ბესელია ეხმაურება. დეპუტატის თქმით პარტიულ ფორმატში აქტიური კონსულტაციები მიმდინარეობს, თუმცა საბოლოო გადაწყვეტილება ჯერჯერობით მხოლოდ პარლამენტის თავმჯდომარის კანდიდატურასთან დაკავშირებით არის მიღებული.
„ბევრი სხვადასხვა პოზიცია სახელდება. ვერც ჩემს თავთან დაკავშირებით, ვერც სხვა რომელიმე კონკრეტულ გვართან დაკავშირებით, გარდა პარლამენტის მომავალი თავმჯდომარისა ვერ დავადასტურებ ვერცერთ ინფორმაციას. არის სხვადასხვა შემოთავაზებაც, თუმცა საბოლოოდ გადაწყვეტილებას ჩვენ მივიღებთ პოლიტიკურ საბჭოზე. პარლამენტის მომავალ თავმჯდომარესთან დაკაშირებით ცნობილია, რომ ირაკლი კობახიძის კანდიდატურა იქნება წარდგენილი, მას უდაოდ ექნება გუნდის მხარდაჭერა და ჯერჯერობით რასაც ვისმენთ კოლეგების მხრიდან მხოლოდ პოზიტიური და დადებითია“ – აცხადებს ეკა ბესელია.