Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ტყიბულის რკინიგზის სადგურის მიმდებარე ტერიტორიაზე კეთილმოწყობითი სამუშაოები განხორციელდა. ხიდზე გადასასვლელთან დაიგო ბეტონის საფარი. აღნიშნული მონაკვეთი დაზიანებული იყო და ტრანსპორტით გადაადგილების დროს მძროლთა უკმაყოფილებას იწვევდა. ბეტონის საფარი, ასევე დაიგო ბაზართან მისასვლელ გზაზე. სადგურის ტერიტორიაზე შეკეთდა დაზიანებული შადრევანი, მის ირგვლივ დაიდგა 6 ძელ- სკამი, სადაც მგზავრებს დასვენების შესაძლებლობა მიეცათ. მიმდინარე სამუშაოები ტყიბულის მუნიციპალიტეტის გამგებელმა რობიზონ გვენეტაძემ დაათვალიერა. ადგილზე ასევე იმყოფებდა გამგებლის მოადგილე გიორგი ლომთაძე და ინფრასტრუქტურისა და კეთილმოწყობის სამსახურის უფროსი ზაზა ზოსიაშვილი. სადგურის მიმდებარე ტერიტორიაზე კეთილმოწყობითი სამუშაოების განხორციელება, ტყიბულის მუნიციპალიტეტის კომუნალურმა გაერთიანებამ უზრუნველყო.