Доступно только по Грузински For the sake of viewer convenience, the content is shown below in the alternative language. You may click the link to switch the active language.
ა(ა)იპ ,,სოფლის მეურნეობის პროექტების მართვის სააგენტო“ ახორციელებს მოკვლევას სურსათის უვნებლობის მართვის საერთაშორისო სისტემების და სტანდარტების (HACCP & ISO 22 000:2005) დამნერგავი კომპანიების ნუსხის შესადგენად.
სააგენტო ხელს უწყობს სოფლის მეურნეობის პროდუქციის გადამამუშავებელი და შემნახველი საწარმოების თანადაფინანსების პროექტის ბენეფიციარ საწარმოებში სურსათის უვნებლობის მართვის საერთაშორისო სისტემების და სტანდარტების (HACCP და ISO 22 000:2005) დანერგვას, რომელსაც განახორციელებენ საკონსულტაციო კომპანიები/კონსულტანტები. სააგენტო უზრუნველყოფს საკონსულტაციო მომსახურების (HACCP და ISO 22 000:2005 დანერგვა) ღირებულების ნაწილობრივ თანადაფინანსებას.
აღნიშნულ აქტივობებში მონაწილეობის მსურველ საკონსულტაციო კომპანიებს/კონსულტანტებს შეუძლიათ წარუდგინონ ინფორმაცია, სადაც მითითებული იქნება საკონსულტაციო კომპანიის/კოსნულტანტის სტატუსი (იურიდიული ან ფიზიკური);
სამუშაო გამოცდილება კონსულტირებაში, მათ შორის აგრარულ სფეროში;
მონაცემი თუ რამდენ და რომელ საწარმოებაში აქვთ მონაწილეობა მიღებული სურსათის უვნებლობის მართვის საერთაშორისო სისტემების და სტანდარტების (HACCP და ISO 22 000:2005) დანერგვის კუთხით;
სხვა დამატებითი ინფორმაცია; საკონტაქტო ინფორმაცია; წარმოდგენილი ინფორმაციის საფუძველზე შედგება საკონსულტაციო კომპანიების/კონსულტანტების სია. ამ სიაში არსებულ საკონსულტაციო კომპანიებს/კონსულტანტებს მიეცემათ საშუალება მონაწილეობა მიიღონ პროექტის „სოფლის მეურნეობის პროდუქციის გადამამუშავებელი და შემნახველი საწარმოების თანადაფინანსება“ ფარგლებში დაფინანსებულ ბენეფიციართათვის სურსათის უვნებლობის მართვის საერთაშორისო სისტემების და სტანდარტების (HACCP და ISO 22 000:2005) დანერგვის პროცესში საქართველოს მასშტაბით.
დაინტერესებულ პირებს შეუძლიათ, გააგზავნონ ზემოაღნიშნული ინფორმაცია შემდეგ ელ-ფოსტის მისამართზე: Revaz.chubinidze@apma.ge არაუგვიანეს 04.02.2016. წერილის სათაურის ველში (Subject) მიუთითეთ – „HACCP / ISO 22 000:2005“