Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ფინანსთა სამინისტროს საგამოძიებო სამსახურის უფროსმა სოსო რამიშვილმა და შიდა ქართლის სახელმწიფო რწმუნებულმა გიორგი ხოჯევანიშვილმა შიდა ქართლში, საოკუპაციო ხაზთან მდებარე სოფლებში – გუგუტიანთკარში, ზარდიაანთკარსა და კოშკაში მცხოვრებ სოციალურად დაუცველ და მრავალშვილიან ოჯახებს შობა-ახალი წელი მიულოცეს და საახალწლო ნობათი, ავეჯი, სამოსი და პირველადი მოხმარების ნივთები გადასცეს.
“საჯარო უწყებები ხშირად ვთანამშრომლობთ და ერთობლივად ვახორციელებთ სოციალურ პროექტებს. ამჯერად საოკუპაციო ხაზის სოფლებში ვიმყოფებოდით და ოჯახებს შობა-ახალი წელი მივულოცეთ. გარდა სახელმწიფო პროგრამებისა და გეგმებისა, მნიშვნელოვანია ჩვენი მხრიდან გამოჩენილი სოციალური პასუხისმგებლობა”- აღნიშნა გიორგი ხოჯევანიშვილმა.