Доступно только по Грузински For the sake of viewer convenience, the content is shown below in the alternative language. You may click the link to switch the active language.
დიმიტრი ქუმსიშვილმა ადგილობრივ ავიაბაზარზე ახალი ავიაკომპანიის შემოსვლას მნიშვნელოვანი უწოდა. ვიცე-პრემიერმა კომენტარი გააკეთა „ჰუალინგ ჯგუფის“ მიერ საქართველოში ახალი ავიაკომპანიის რეგისტრაციის თაობაზე. “მისი ბაზა საქართველოში იქნება, ეყოლება ადგილობრივი თანამშრომლები და საქართველოდან შეასრულებს რეგულარულ რეისებს როგორც აზიის, ისე ევროპის ქვეყნების მიმართულებით.”- განაცხადა ქუმსიშვილმა.
ვიცე-პრემიერმა ახალი ავიაკომპანიის შემოსვლას საქართველოს ავიაბაზარზე მნიშვნელოვანი უწოდა. მისი განცხადებით, აზიისა და ევროპის მიმართულებით რეისებს, სამომავლოდ, აშშ-ში პირდაპირი ფრენებიც დაემატება, რაც ტურიზმის განვითარებისთვის ძალიან მნიშვნელოვანია.
გავრცელებული ინფორმაციით, „ჰუალინგ ჯგუფს“ საქართველოს ავიაბაზარზე შემოჰყავს ახალი ავიაკომპანია. კომპანია რეისების შესრულებას გეგმავს „ბოინგ 737 “ ტიპის ორი ბორტის მეშვეობით, რომელსაც მოგვიანებით „ბოინგ 777“ ტიპის თვითმფრინავიც დაემატება.