Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ სოფელ არცევში, ხნულების გავლების ფაქტის შესახებ კომენტარი გააკეთა.
„რაც შეეხება ხნულებს და ბორდერიზაციას, ეს იმ პოლიტიკის გაგრძელებაა, რომელსაც ჩვენ თვალს ვადევნებთ უკვე მრავალი წელია. მისი მიზანია იყოს დესტაბილიზაცია, მაგრამ საქართველოს მთავრობა არ დაუშვებს, რომ ჩვენ წამოვეგოთ რაიმე პროვოკაციას, ხელი შევუწყოთ ჩვენს ქვეყანაში დესტაბილიზაციას. ჩვენ გამოვიყენებთ ყველა საერთაშორისო ფორმატს და ჩვენი საერთაშორისო პარტნიორების ჩართულობით გავაგრძელებთ მშვიდობიანი გზით ამ ძალიან რთულ პრობლემასთან გამკლავებას. ჩვენი პოლიტიკა არის და დარჩება მშვიდობაზე, შერიგებაზე და ადამიანის უფლებებზე ორიენტირებული“ – განაცხადა მიხეილ ჯანელიძემ.