Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
„ჩვენ, როგორც პარლამენტი, ამ პროცესებს და გამოძიების მიმდინარეობას თვალს მივადევნებთ“,- განაცხადა საქართველოს პარლამენტის თავმჯდომარე ირაკლი კობახიძემ აზერბაიჯანელი ჟურნალისტის, აფგან მუხთარლის საქმეზე საუბრისას.
ირაკლი კობახიძის თქმით, საკითხი უაღრესად აქტუალურია და აღნიშნულ საქმესთან დაკავშირებით, პარლამენტს ყოველდღიური კომუნიკაცია აქვს აღმასრულებელ ხელისუფლებასთან.
„საქმე და საკითხი არის უაღრესად აქტუალური. ბუნებრივია, ჩვენი კომპეტენცია არ არის სტატუსის მინიჭება, თუმცა, პარლამენტს შეუძლია ზედამხედველობის განხორციელება. ჩვენ ყოველდღიურ რეჟიმში გვაქვს კომუნიკაცია აღმასრულებელ დაწესებულებებთან ამ საქმესთან დაკავშირებით. უპირობოდ აუცილებელი და მნიშვნელოვანია, რომ რაც შეიძლება სწრაფად იქნას გამოძიებული ეს საკითხი. საზოგადოებას აინტერესებს ამ საქმის დეტალები – რა მოხდა, როგორ მოხდა სინამდვილეში. შესაბამისად ჩვენ, როგორც პარლამენტი, ამ პროცესებს და გამოძიების მიმდინარეობას თვალს მივადევნებთ“,-განაცხადა პარლამენტის თავმჯდომარემ ჟურნალისტებთან საუბრისას.