Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გიორგი მარგველაშვილმა საქართველოში ოფიციალური ვიზიტით მყოფ ეუთოს გენერალურ მდივანთან ტომას გრემინგერთან გამართა შეხვედრა. მხარეებმა განიხილეს ეუთოსა და საქართველოს შორის თანამშრომლობის გაღრმავების საკითხები და ისაუბრეს სამომავლო პერსპექტივებზე, ოკუპირებულ ტერიტორიებზე შექმნილ ვითარებაზე, უსაფრთხოების პრობლემატიკასა და ეუთოს ჩართულობაზე ამ პროცესებში. საქართველოს პრეზიდენტმა ეუთოს გენერალურ მდივანს დეტალური ინფორმაცია მიაწოდა მიმდინარე პროცესების შესახებ.
პრეზიდენტმა ეუთოს გენერალურ მდივანთან ქვეყანაში მიმდინარე დემოკრატიული რეფორმები, მომავალი საპრეზიდენტო არჩევნები და ამ პროცესებში ეუთოს ჩართულობის საკითხები განიხილა.
მხარეებმა აღნიშნეს, რომ საქართველოს პრობლემატიკა ეუთოს დღის წესრიგში მაქსიმალურად უნდა იყოს წარმოჩენილი.
ეუთოს გენერალურმა მდივანმა მადლობა გადაუხადა საქართველოს პრეზიდენტს ეუთოს სხვადასხვა მისიებში საქართველოს ჩართულობისათვის. როგორც შეხვედრის დასრულების შემდეგ ტომას გრემინგერმა განაცხადა, ვიზიტის შედეგად იგი კარგად გაეცნო იმ სირთულეებს, რომლებიც საქართველოს წინაშე დგას.
“პირველი, მსურდა, რომ მადლობა გადამეხადა საქართველოს მხარდაჭერისათვის ეუთოში მიმდინარე რეფორმებში, ეუთოს ოპერაციებსა და ეუთო-ს სტრუქტურული დიალოგში აქტიური ჩართულობისათვის.
მინდოდა პრეზიდენტი, პრემიერმინისტრი და საგარეო საქმეთა მინისტრი დარწმუნება, რომ ჩვენ ძალისხმევას არ ვიშურებთ ჟენევის საერთაშორისო დისკუსიებში და ინციდენტების პრევენციისა და მათზე რეაგირების მექანიზმის ფორმატის ფარგლებში.
ჩამოვედი, რათა აღმოვაჩინო საქართველოს – ეუთოს ურთიერთობის უფრო მეტად გაღრმავების, გაძლიერებისა და გაფართოების შესაძლებლობები“, – აღნიშნა ტომას გრემინგერმა.