Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ღონისძიება ტრადიციულად ტერიტორიული ერთეულებისა და წარმოება-დაწესებულებების მიერ ორგანიზებული ეთნოგრაფიული და ფოლკლორული ნამუშევრების, ტრადიციული კერძების გამოფენით გაიხსნა. ადგილობრივებს, მოწვეულ სტუმრებსა და ტურისტებს შესაძლებლობა ჰქონდათ მრავალფეროვანი კუთხეების დათვალიერების: მეთევზეობის, მეფუტკრეობის, ხელოსნობის, რძისპროდუქტების, ფეიქრობის, სოფლის ნობათის, თამბაქოს, ძველი და ახალი ქედის ფოტო გამოფენის, ტრადიციული კერძების დაგემოვნებისა და ა.შ. საზეიმოდ დაიწურა ყურძენი, რომლის რიტუალში მონაწილეობა ადგილობრივებმა მიიღეს. ,,შემოდგომა ქედაში – 2016″ გამგეობის მიზნობრივი პროგრამით გაიმართა, რომლის ბიუჯეტი 6 880 ლარია.
სახალხო დღესასწაულის პირველ ნაწილს თემატურად ქედის კულტურის ცენტრთან არსებული ცეკვისა და სიმღერის ფოლკლორული ანსამბლები – ,,ელესა”, ,,მოყვარე”, ,,ფესვები”, ,,იაგუნდი”, ,,ბეთლემი” და სახელოვნებო სკოლის ბავშვთა ანსამბლი ,,ჩანგი” ძირძველი მრავალხმოვანებითა და ტრადიციული საცკვაო ილეთებით ნამდვილ სადღესასწაულო განწყობას ქმნიდა. ანსამბლი ,,ელესა”-ს (რომლის 25 წლის იუბილე აღინიშნა გასულ თვეს) აუდიო დისკები მოწვეულ სტუმრებს საჩუქრად გადაეცათ. მორე ნაწილი კი მუსიკალურად ესტრადის მომღერლებმა გაამრავალფეროვნეს: ვოკლაურ-ინსტრუმენტალურმა ჯგუფებმა ,,ინდიგო” და ,,კალისტო”, იაგო დევაძემ, ირინა დევაძემ და ა.შ. გაიმართა შეჯიბრი კრივში და მინი ფეხბურთში. ღონისძიების ორგანიზატორები გახლდათ ქედის მუნიციპალიტეტის გამგეობა და საკრებულო. გილოცავთ სახალხო დღესასწაულს ,,შემოდგომა ქედაში”!