Доступно только по Грузински For the sake of viewer convenience, the content is shown below in the alternative language. You may click the link to switch the active language.
დედაქალაქის საკრებულოს ფრაქციის ,,ერთიანი ნაციონალური მოძრაობა’’ თავმჯდომარემ საკრებულოში ბრიფინგი გამართა.
როგორც სევდია უგრეხელიძემ აღნიშნა, ბაღების სააგენტოს ხელმძღვანელი თემურ თორდინავა საბავშვო ბაღებიდან დირექტორების გათავისუფლებას განაგრძობს. მისივე თქმით, ამ ეტაპზე თბილისის ბაგა-ბაღებიდან კიდევ 4 დირექტორი გაათავისუფლეს.
საკრებულოს წევრმა გათავისულებების მიზეზებზეც ისაუბრა და განაცხადა, რომ სკოლამდელი დაწესებულებების ხელმძღვანელებს თანამდებობობებს, ვითომდა, აუდიტის დასკვნების საფუძველზე ათავისუფლებენ.
,,სინამდვილეში კი ამ გზით საკუთარი აქტივისტებს ასაქმებენ’’,-განაცხადა სევდია უგრეხელიძემ და დედაქალაქის მერს საბავშვო ბაღების ხელმძღვანელების გათავისუფლების ნაცვლად, თბილისის ინფრასტრუქტურის სწრაფად და ხარისხიანად მოწესრიგებისა და ქალაქის მაცხოვრებლების კეთილდღეობაზე ზრუნვისკენ მოუწოდა.