Доступно только по Грузински For the sake of viewer convenience, the content is shown below in the alternative language. You may click the link to switch the active language.
სენაკის მუნიციპალიტეტში, ფაშიზმზე გამარჯვების 71-ე წლისთავთან დაკავშირებით, 9 მაისს, ომში გმირულად დაღუპული მფრინავის – ალექსანდრე წურწუმიას ძეგლთან გაიმართა საზეიმო ღონისძიება. გმირის ბიუსტის გვირგვინებით შემკობის შემდეგ მუნიციპალიტეტის გამგებელმა გოჩა დგებუაძემ სიტყვით მიმართა ვეტერანებს, მათ ფაშიზმზე გამარჯვების დღე მიულოცა და პრემიერ-მინისტრის მისალოცი ბარათები გადასცა.
საზოგადოებას სიტყვით მიმართეს და ომშის მონაწილეთა თავგანწირვის მნიშვნელობაზე ისაუბრეს საქართველოს პარლამენტის წევრმა, სენაკის მაჟორიტარმა დეპუტატმა გურამ მისაბიშვილმა, მეორე მსოფლიო ომის ვეტერანებმა და საზოგადოების წარმომადგენლებმა. ღონისძიებაზე მოსწავლე-ახალგაზრდობის ცენტრის აღსაზრდელების მიერ წარმოდგენილ იქნა ლიტერატურულ-მხატვრული კომპოზიცია. ყვავილებით შეიმკო ასევე, ეროვნული გმირის – ჟიული შარტავას და აფხაზეთის ომში გმირულად დაღუპული გმირების: გენო ადამიას, გურამ გაბესკირიასა და ნოდარ კანკიას ბიუსტები. დასასრულს, ომის ვეტერანებისთვის გაიმართა სადღესასწაულო ბანკეტი.
საქართველოს მთავრობის გადაწყვეტილებით, ფაშიზმზე გამარჯვების 71-ე წლისთავთან დაკავშირებით, მეორე მსოფლიო ომის ვეტერანები მიიღებენ 600 ლარიან დახმარებას. სენაკში მცხოვრებ ვეტერანებზე, დამატებით, ადგილობრივი ბიუჯეტიდან გაიცემა პროგრამული ფულადი დახმარება 200 ლარის ოდენობით.