Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დევნილთა და განსახლების მინისტრი სოზარ სუბარი და მინისტრის პირველი მოადგილე გრიგოლ გიორგაძე იმერეთის რეგიონში მოქმედ საერთაშორისო და ადგილობრივი არასამთავრობო ორგანიზაციების წარმომადგენლებს შეხვდნენ.
სამოქალაქო სექტორთან შეხვედრისას სოზარ სუბარმა სამინისტროს პრიორიტეტულ მიმართულებებზე ისაუბრა. დევნილთა და განსახლების მინისტრმა შეხვედრის მონაწილეებს იმერეთის რეგიონში მიმდინარე და დაგეგმილი პროექტების შესახებაც მიაწოდა ინფორმაცია.
მინისტრმა სამოქალაქო სექტორის წარმომადგენლების რეკომენდაციები მოისმინა და მათ მიერ დასმულ შეკითხვებს უპასუხა. სოზარ სუბარის თქმით, სამინისტრო არასამთავრობო ორგანიზაციების ხედვებს აუცილებლად გაითვალისწინებს.
შეხვედრის დასასრულს, მინისტრმა განაცხადა, რომ სამოქალაქო სექტორის წარმომადგენლებთან მსგავსი შეხვედრები მომავალშიც აქტიურად გაგრძელდება.