Доступно только по Грузински For the sake of viewer convenience, the content is shown below in the alternative language. You may click the link to switch the active language.
ცაგერის მუნიციპალიტეტის სოფელ ღვირიშის საჯარო სკოლაში ღია ტიპის, კომბინირებული (მინი ფეხბურთი, კალათბურთი, ფრენბურთი) ხელოვნურსაფარიანი მოედანი გაიხსნა. ღვირიშის საჯარო სკოლაში ამჟამად 29 მოსწავლე სწავლობს. ეს არის სოფლისთვის პირველი სპორტული მოედანი, რომლითაც აქ მცხოვრები ახალგაზრდები ისარგებლებენ.
დასრულებული სამუშაოები მხარის გუბერნატორმა ცაგერის მუნიციპალიტეტის მერიის წარმომადგენლებთან ერთად მოინახულა. მან მოსწავლეებს ახალი სპორტული მოედნის გახსნა მიულოცა და აღნიშნა, რომ ჯანსაღი ცხოვრების წესის დამკვიდრება ხელისუფლების ერთ-ერთი პრიორიტეტია, რისთვისაც აქტიურად მიმდინარეობს როგორც ინფრასტრუქტურული, ასევე საკანონმდებლო ბაზის მომზადება.
სამუშაოები, რომელთა ღირებულებამ 42 000 ლარამდე შეადგინა, განათლების, მეცნიერების, სპორტისა და კულტურის სამინისტროს მიერ სკოლისთვის გამოყოფილი თანხებით დაფინანსდა.