Доступно только по Грузински For the sake of viewer convenience, the content is shown below in the alternative language. You may click the link to switch the active language.
სოფელ ყვიბისის 2 უბანში გზების კეთილმოწყობის სამუშაოები აქტიურად მიმდინარეობს.რკინა-ბეტონის საფარი 1 250მ სიგრძის მონაკვეთზე ციცქიშვილების, ხაჩიძეების უბანში და გვარამაძეების ჩიხში დაიგება.
პროექტის მიხედვით, ციცქიშვილების უბანში გათვალისწინებულია ასევე ბეტონის ღარებისა და ლითონის ცხაურების გაკეთება. წყლის ასაცილებლად მოეწყობა ლითონის მილებიც.
პროექტის ფარგლებში გზა იგება სოფლებში მზეთამზეში და ქვაბისხევში. საგზაო ინფრასტრუქტურის სამუშაოები უკვე დასრულებულია სოფელ რველში.
პროექტი საქართველოს რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით მიმდინარეობს.