Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
სოფლის მეურნეობის სამინისტროს შპს „საქართველოს მელიორაცია“ ზუგდიდის მუნიციპალიტეტის სოფ.ცაიშში სადრენაჟე სისტემის წმენდით სამუშაოებს ატარებს. ექსპლუატაციის ფარგლებში ნატანი მასისგან გაიწმინდა და აღდგა 2 კილომეტრიანი მაგისტრალური არხი. სამუშაოების დასრულების შედეგად, მუცინიპალიტეტში 35 ჰექტარ სასოფლო-სამეურნეო მიწის ფართობზე აღდგება სადრენაჟე მომსახურება. ასევე, არხი უხვი ნალექის დროს დატბორვისგან დაიცავს 6 ჰექტარ საკარმიდამო მიწის ნაკვეთს და ცაიშის მონაკვეთზე სენაკი-თბილისის საგზაო მაგისტრალს. მიმდინარე სამუშაოები 2017 წლის აგვისტოში დაიწყო და ოქტომბრის დასაწყისში დასრულდება. 2012-2017 წლებში სამეგრელო – ზემო სვანეთის რეგიონში რეაბილიტაციისა და ექსპლუატაციის ფარგლებში, ჯამში გაიწმინდა და მოწესრიგდა 894,4 კმ სადრენაჟე არხი, შეკეთდა 217 ერთეული სხვადასხვა ტიპის ჰიდროტექნიკური ნაგებობა, 1 სათავე და 1 სატუმბი სადგური.