Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
უგზო-უკვლოდ დაკარგულთა საერთაშორისო დღე ზუგდიდშიც აღნიშნეს. უგზო-უკვლოდ დაკარგულების ხსოვნას პატივი მიაგეს და დაკარგულთა მემორიალი გვირგვინით შეამკეს , სამეგრელო-ზემო სვანეთის სახელმწიფო რწმუნებულის ადმინისტრაციის წარმომადგენლებმა, საერთაშორისო წითელი ჯვრის კომიტეტის, ადგილობრივი ხელისუფლების და დაკარგულთა ოჯახის წევრებმა . სასულიერო პირებმა, მათი სულის მოსახსენიებელი პარაკლისი აღავლინეს. 30 აგვისტოს მსოფლიოში უგზო-უკვლოდ დაკარგულთა საერთაშორისო დღე აღინიშნება. საქართველოში ამ დრომდე 2 400ზე მეტი ადამიანი მიიჩნევა დაკარგულად, რომელთა ძებნა დღემდე გრძელდება. ამ ადამიანებს შორისაა როგორც გასული საუკუნის 90-იანი წლების კონფლიქტების დროს დაკარგული პირები, ასევე 2008 წლის ომის დროს დაკარგული ადამიანები.სამეგრელოს რეგიონიდან 400 მდე ადამიანი მიიჩნევა დაკარგულად. ღონისძიება წითელი ჯვრის საერთაშორისო კომიტეტის, ასოციაცია „ქსენონის“ და უგზო-უკვლოდ დაკარგულ პირთა ოჯახების მხარდაჭერით განხორციელდა. უგზო-უკვლოდ დაკარგულთა საერთაშორისო დღე საქართველოში, ოფიციალურად, 2003 წლიდან აღინიშნება.