უკრაინის პრემიერი ვლადიმერ გროისმანი გახდება

Доступно только по Грузински For the sake of viewer convenience, the content is shown below in the alternative language. You may click the link to switch the active language.

უკრაინის ახალი პრემიერმინისტრი უკრაინის უმაღლესი რადას თავმჯდომარე ვლადიმერ გროისმანი გახდება. „უნიანის“ ინფორმაციით, ამის შესახებ „პეტრო პოროშენკოს ბლოკის“ წევრმა ვადიმ დენისენკომ არსენი იაცენიუკის გადადგომის შემდეგ განაცხადა.

„99,95-ით დარწმუნებული ვარ, რომ უკრაინის ახალი პრემიერმინისტრი გროისმანი იქნება“, – აღნიშნა დენისენკომ უკრაინული ტელეკომპანია „ესპრესოტვ“-ის ეთერში.
ის ირწმუნება, რომ „პეტრო პოროშენკოს ბლოკი“ არსენი იაცენიუკის გადადგომას მხარს დაუჭერს.

უკრაინის პრემიერმინისტრმა არსენი იაცენიუკმა თანამდებობიდან გადადგომის შესახებ გუშინ განაცხადა.