Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
უხვი ნალექის შედეგად გურიის რეგიონში პატარა მდინარეებზე წყალმოვარდნები დაფიქსირდა. ოზურგეთისა და ლანჩხუთის მუნიციპალიტეტებში რამდენიმე ოჯახს დაეტბორა საცხოვრებელი სახლები და ასევე საკარმიდანო ნაკვეთები. ადგილზე მუშაობს მუნიციპალური ტექნიკა და სამაშველო სამსახურები. ამ ეტაპისთვის ვითარება სტაბილურია.
შექმნილია საგანგებო შტაბი, რომელიც მთელი ღამის განმავლობაში მუშაობდა და კვლავაც აგრძელებს მუშაობას. ვაწარმოებთ შემოვლას მუნიციპალიტეტების სოფლებში და ვეცნობით არსებულ ვითარებას“- განაცხადა გურიის გუბერნატორმა, მერაბ ჭანუყვაძემ.
გურიაში ძლიერი წვიმა გუშინ საღამოს საათებში დაიწყო. ადგილზე იმყოფებოდნენ მხარისა და ადგილობრივი ხელისუფლების წარმომადგენლები. გურიის რეგიონს ელექტროენერგია უწყვეტ რეჟიმში მიეწოდება. ამ დროისთვის, რეგიონში აღარ წვიმს.