Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ფრეზეთის დევნილთა დასახლებაში საბავშვო ბაღის მშენებლობა დასრულდა. უახლოეს პერიოდში ბაღი თანამედროვე სტანდარტების შესაბამისად მოეწყობა. ლტოლვილთა დანიის საბჭოს ფინანსური მხარდაჭერით, კეთილმოეწყობა ეზო და საბავშვო ატრაქციონები განთავსდება.
საბავშო ბაღის გახსნა მიმდინარე წლის შემოდგომაზე იგეგმება. ბაღი 50 აღსაზრდელზეა გათვლილი, სადაც სკოლამდელი განათლების მიღებას ფრეზეთსა და მიმდებარე სოფლებში მცხოვრები ბავშვები შეძლებენ.
მცხეთა-მთიანეთის სახელმწიფო რწმუნებული შალვა კერესელიძე, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილესთან მამუკა ცოტნიაშვილთან, ლტოლვილთა დანიის საბჭოს წარმომადგენლებთან და ადგილობრივი თვითმმართველობის ხელმძღვანელ პირებთან ერთად, ფრეზეთის ბაღს ესტუმრა და ადგილზე არსებულ ვითარებას დეტალურად გაეცნო.
სამშენებლო სამუშაოები იაპონიის საელჩოს, საქართველოს რეგიონული განვითარებისა და ინფრასტრუქტურის სამინისტროს რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით განხორციელდა.