Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დღეს, ქ.რუსთავში ქვემო ქართლის საოლქო პროკურატურის და რუსთავის რაიონული პროკურატურის ახალ ადმინისტრაციულ შენობას საძირკველი ჩაეყარა. ღონისძიებას საქართველოს მთავარი პროკურორი ირაკლი შოთაძე მოადგილეებთან და თანამშრომლებთან ერთად დაესწრო. ქვემო ქართლის საოლქო პროკურატურა და რუსთავის რაიონული პროკურატურა ამჟამად ქ. რუსთავში ფიროსმანის ქუჩაზე მდებარე ძველ, ამორტიზებულ შენობაშია განთავსებული, რომელიც 1949 წელს არის აშენებული. ახალი, ოთხსართულიანი შენობა 1400 კვადრატულ მეტრ ფართს მოიცავს და თანამედროვე სტანდარტების შესაბამისად აშენდება. ქვემო ქართლის საოლქო და რუსთავის რაიონული პროკურატურის ახალი შენობის მშენებლობა საქართველოს პროკურატურისთვის გამოყოფილი ბიუჯეტიდან დაფინანსდება, რომლის დასრულებაც 2018 წლის ზაფხულში იგეგმება.