Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დასასრულს უახლოვდება ქალაქ ხაშურში, ვეფხვაძეების უბანში, მინი სტადიონის მოწყობის სამუშაოები. პროექტის განხორციელების შემდეგ, მუნიციპალიტეტში სპორტული ცხოვრებისთვის კიდევ უფრო მეტი სივრცე შეიქმნება. მიმდინარე სამუშაოებს ადგილზე აკვირდებოდნენ ხაშურის მუნიციპალიტეტის მერი გიორგი გურასპაშვილი, მერის მოადგილე ზურაბ როსებაშვილი, ეკონომიკის სამსახურის უფროსი სერგო ლალიაშვილი და ინფრასტრუქტურის განყოფილების უფროსი გიორგი პაპიაშვილი. მათი განმარტებით, ვეფხვაძეების უბანში, მინი სტადიონის მოწყობისთვის 59 221 ლარია გამოყოფილი.
აღნიშნული პროექტი ადგილობრივი მოსახლეობის ინტერესებიდან გამომდინარე განხორციელდა, მუნიციპალიტეტის ხელმძღვანელი პირები კვლავაც შეხვდნენ ადგილობრივ მცხოვრებლებს, სხვადასხვა მიმართულებით მათ საჭიროებებს გაეცნენ და პრობლემების მოგვარებას დაპირდნენ.