”ქართული ოცნება-დემოკრატიული საქართველოს“ პარტიული სიის პრეზენტაცია მიმდინარე კვირას გაიმართება

Доступно только по Грузински For the sake of viewer convenience, the content is shown below in the alternative language. You may click the link to switch the active language.

”ქართული ოცნება-დემოკრატიული საქართველოს“ პარტიული სიის პრეზენტაცია მიმდინარე კვირას გაიმართება, – ამის შესახებ დღეს გამართულ პრესკონფერენციაზე პარტიის წევრმა ზაქარია ქუცნაშვილმა განაცხადა. მისი თქმით, სიას პრემიერ-მინისტრი წარადგენს.

”ამ კვირაში იქნება პარტიული სიის პრეზენტაცია. ამ კვირაშივე დაიწყება იმერეთის რეგიონის მაჟორიტარების წარდგენაც. საზოგადოება გაიგებს, ვინ რა უბანზე იქნება პასუხისმგებელი თავისი ხალხის წინაშე”, – განაცხადა ქუცნაშვილმა.

ზაქარია ქუცნაშვილის თქმით, თუ რა სახით მიიღებს ის არჩევნებში მონაწილეობას, ამ დროისთვის საუბრისგან თავს შეიკავებს.