ქედაში სასმელი წყლის სისტემების მშენებლობა წელსაც გრძელდება

Доступно только по Грузински For the sake of viewer convenience, the content is shown below in the alternative language. You may click the link to switch the active language.

ბოლო სამი წლის განმავლობაში, ქედის გამგეობის ერთ-ერთ ძირითად პრიორიტეტს ადგილობრივი მოსახლეობის სასმელი წყლით უზრუნველყოფა წარმოადგენს. სისტემების მშენებლობა – რეაბილიტაციისათვის ადგილობრივი ბიუჯეტიდან 2 მილიონ 746 000 ლარი უკვე დაიხარჯა: – აშენდა აწჰესის დასახლების და სოფელ ზედა მახუნცეთის წყლის სისტემა (8 კმ სიგრძის) სამარაგო აუზით – 330 000 ლარი; – დაბა ქედის წყალმომარაგებისათვის 500 ტონიანი სამარაგო აუზი – 130 000 ლარი; – გარემონტდა და დამონტაჟდა მფილტრავი მოწყობილობები დაბა ქედის წყალმომარაგების სისტემებზე ღარათსა და ზენდიდში – 96 000 ლარი; – ორეტაპად მიმდინარეობს ხარაულა ჯალაბაშვილების სასმელი წყლის მაგისტრალის მშენებლობა (17 კილომეტრი სიგრძის) – 865 000 ლარი; – ხუნკუდა-გულები-ზესოფლის სასმელი წყლის მაგისტრალი (8 კილომეტრი სიგრძის) – 658 000 ლარი; – მოწესრიგდა სოფელ წონიარისის, ახოს, პირველი მაისის სისტემები, ხოლო სარემონტო სამუშაოები ჩაუტარდა სოფელ ცხმორისის, დანდალოს, გოგიაშვილების და მერისის სასმელი წყლის სისტემებს. მიმდინარე წელს ქედაში დამატებით 5 მაგისტრალი მოწესრიგდება, რისთვისაც ბიუჯეტიდან 200 000 ლარი დაიხარჯება: – უკვე დასრულდა აბუქეთის სასმელი წყლის სისტემის მშენებლობა; – მიმდინარეობს ქოსოფლის, ზენდიდი-ცხემნის, კორომხეთისა და გეგელიძეების სასმელი წყლის სისტემების მშენებლობა-რეაბილიტაცია. ჯამში დღემდე სასმელი წყლით უზრუნველყოფისათვის ქედაში 3 მილიონ ლარზე მეტი დაიხარჯა. ახალი მაგისტრალებით 1000 -ზე მეტი ოჯახი უკვე სარგებლობს.