Доступно только по Грузински For the sake of viewer convenience, the content is shown below in the alternative language. You may click the link to switch the active language.
სოფელ ქვიშხეთში, დიმიტრი ყიფიანის სახლ-მუზეუმის სარეაბილიტაციო სამუშაოები დაათვალიერეს ხაშურის მუნიციპალიტეტის მერმა გიორგი გურასპაშვილმა, საკრებულოს თავმჯდომარემ მიხეილ ჯანაშვილმა და მერის პირველმა მოადგილემ ზვიად ქურდაძე. სახლ-მუზეუმის რეაბილიტაციის პროექტი საქართველოს განათლების, მეცნიერების, კულტურისა და სპორტის სამინისტრომ და კულტურული მემკვიდრეობის დაცვის ეროვნულმა სააგენტომ შეიმუშავეს. სამუშაოები სტანდარტების სრული დაცვით მიმდინარეობს.
„დიმიტრი ყიფიანის სახლ-მუზეუმის რეაბილიტაცია გარკვეული დროის განმავლობაში, სხვადასხვა ობიექტური მიზეზების გამო, შეჩერებული იყო, თუმცა ახლა პროცესები კვლავ ინტენსიურად მიმდინარეობს და ზაფხულის მიწურულს მუზეუმი შეძლებს დამთვალიერებელს უმასპინძლოს“. -აღნიშნა მუნიციპალიტეტის მერმა გიორგი გურასპაშვლმა.
დიმიტრი ყიფიანის სახლს-მუზეუმის რეაბილიტაცია ადგილობრივი ბიუჯეტისა და რეგიონებში განსახორციელებელი პროექტების ფონდის თანადაფინანსებით ხორციელდება. პროექტი უმნიშვნელოვანესია როგორც კულტურული მემკვიდრეობის დაცვის თვალსაზრისით, ასევე ტურიზმის განვითარების მხრივაც.