Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ქობულეთში საკანალიზაციო სისტემის გამწმენდი ნაგებობა დღეიდან ექსპლოატაციაში შევიდა, რომელიც ერთი წლის განმავლობაში სატესტო რეჟიმში მუშაობდა. ობიექტი მუნიციპალიტეტის ხელმძღვანელებმა მუნიციპალიტეტის განვითარების ფონდის წარმომადგენლებთან და ექსპერტებთან ერთად დაათვალიერეს. ჩამდინარე წყლების გამწმენდი ნაგებობის მშენებლობა ერთ-ერთი უმნიშვნელოვანესი პროექტია. ობიექტზე 11 ადამიანია დასაქმებული. ნაგებობის ფუნქციონირების შედეგად ფეკალური მასების ზღვაში ჩადინება აღარ ხვდება, რაც მნიშვნელოვნად აუმჯობესებს სანიტარულ მდგომარეობას სანაპირო ზოლზე, ასევე შემცირებულია გარემოზე მავნე ზემოქმედება და ინფექციური დაავადებების გავრცელების რისკი. გამწმენდი ნაგებობის მშენებლობისთვის 5 800 000 ლარზე მეტი დაიხარჯა. პროექტი ევროპის რეკონსტრუქციისა და განვითარების ბანკისა და აჭარის მთავრობის ფინანსური მხარდაჭერით განხორციელდა, ხოლო ტექნიკური აღჭურვილობა კი მუნიციპალური განვითარების ფონდმა ჰოლანდიის მთავრობის გრანტით შეიძინა.