Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დღეს ქობულეთში ხანდაზმულთა საერთაშორისო დღე აღინიშნა. ასოციაცია „ღირსეული სიბერეს“ ორგანიზებით კულტურის სახლის ფოიეში ფოტო გამოფენა „60 პლუს – ახალი შესაძლებლობებით“ გაიმართა. ღონისძიებას მუნიციპალიტეტის ხელმძღვანელები და საზოგადოების წარმომადგენლები ესწრებოდნენ. გამოფენაზე წარმოდგენილი იყო „ხანდაზმულთა სოციალურ-ეკონომიკური გაძლიერების ხელშეწყობის პროგრამის“ ფარგლებში მცირე გრანტებით დაფინანსებულ ბენეფიციართა პორტრეტები. შეხვედრის ბოლოს ასოციაციისგან პარტნიორ ორგანიზაციებსა და ფიზიკურ პირებს ხანდაზმულთა გაძლიერების ხელშეწყობის პროგრამის განხორციელებაში აქტიური მონაწილეობისათვის მადლობის სიგელები გადაეცათ. საქართველოში ხანდაზმულთა საერთაშორისო დღე 2003 წლიდან აღინიშნება.