Доступно только по Грузински For the sake of viewer convenience, the content is shown below in the alternative language. You may click the link to switch the active language.
ქუთაისის ბოტანიკური ბაღის რებრენდინგის ფარგლებში, დაწესებულებას სახელი შეეცვალა და მას „ქუთაისის ბოტანიკური ბაღი-მედეა” ეწოდა. აღნიშნულთან დაკავშირებით ბოტანიკურ ბაღში ღონისძიება გაიმართა, რომელსაც იმერეთში სახელმწიფო რწმუნებულის–გუბერნატორის მოადგილე იოსებ ხახალეიშვილი, ქუთაისის მერი შოთა მურღულია და სხვა მოწვეული სტუმრები ესწრებოდნენ.
ტურისტების დაინტერესებისა და მოზიდვის მიზნით, ბოტანიკური ბაღის არგონავტიკის თემატიკით დატვირთვა იგეგმება. ასევე, უკვე არსებობს პროექტი, რომელიც საფეხმავლო ხიდის აგებას ითვალისწინებს. ხიდი ბოტანიკურ ბაღს ქალაქის ისტორიულ უბანთან დააკავშირებს.