Доступно только по Грузински For the sake of viewer convenience, the content is shown below in the alternative language. You may click the link to switch the active language.
ეკონომიკისა და მდგრადი განვითარების მინისტრმა ნათია თურნავამ, ქუთაისში, კომპანია „ალუტექ ჯორჯია“ – ს ახალი საწარმო იმერეთში სახელმწიფო რწმუნებულ ზვიად შალამბერიძესთან, ქუთაისის მერის მოვალეობის შემსრულებელ დავით ერემეიშვილთან და ქუთაისის მაჟორიტარ დეპუტატ დიმიტრი მხეიძესთან ერთად გახსნა.
„ალუტექ ჯორჯია“ – ს ახალი საწარმო მეწარმეობის სტიმულირების სამთავრობო პროგრამის „აწარმოე საქართველოში“ მხარდაჭერით აშენდა. საწარმოში 700,000 ლარის ინვესტიცია განხორციელდა და თავდაპირველად 15 ადამიანს დაასაქმებს, თუმცა გაფართოების შემდეგ დასაქმებულთა რაოდენობა 100-მდე გაიზრდება. ცენტრალური და ადგილობრივი ხელისუფლების წარმომადგენლები ახალი საწარმოს მუშაობას გაეცნენ, რომელიც პროდუქციას, თავდაპირველად, ადგილობრივ ბაზარზე გაყიდის. საწარმო ალუმინისა და მეტალო-პლასტმასის პროდუქციას გამოუშვებს.