Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ყვარლის კოტე მარჯანიშვილის სახელობის სახალხო თეატრში სპექტაკლის „ესოდენ ძლიერი“ ჩვენება გაიმართა, რომელსაც საქართველოს კულტურის, სპორტისა და ახალგაზრდობის მინისტრი, თეა წულუკიანი, კახეთის სახელმწიფო რწმუნებული, გიორგი ალადაშვილი, პარლამენტის წევრები – დავით მათიკაშვილი, მაია მენაღარიშვილი, ირაკლი შატაკიშვილი და ყვარლის საკრებულოს თავმჯდომარე ილია მზექალაშვილი დაესწრნენ.
„ესოდენ ძლიერი“ დედოფალ ქეთევან წამებულის შესახებ გვიამბობს. მერაბ ჩხაიძემ – პიესის ავტორმა და დამდგმელმა რეჟისორმა – სპექტაკლის განახლებული ვერსია წარმოადგინა. სპექტაკლში მონაწილეობდნენ მსახიობები: მაია მამულაშვილი, ივანე პატარქლიშვილი, დაჩი დავითაშვილი, მარიამ სეფაშვილი, მამუკა ყეინოშვილი. ყვარლის კოტე მარჯანიშვილის სახელობის სახალხო თეატრის გასტროლები მთელ კახეთშია დაგეგმილი.