Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
მცხეთა-მთიანეთის სახელმწიფო რწმუნებულმა შალვა კერესელიძემ, დუშეთის მუნიციპალიტეტის მერთან ზურაბ სეხნიაშვილთან ერთად, ტამიშის ბრძოლაში დაღუპულთა ხსოვნას პატივი მიაგო და გმირთა მემორიალი დუშეთში გვირგვინით შეამკო.
1993 წლის 2 ივლისს, აფხაზეთში, ტამიშთან შეტაკებას დუშეთის ბატალიონის 37 მებრძოლი ემსხვერპლა. ქართულმა მხარემ ქვედანაყოფის დაღუპულ მებრძოლთა სამშობლოში გადმოსვენება უზრუნველყო. ბატალიონის 6 წევრი ამ დრომდე უგზო-უკვლოდ დაკარგულად ითვლება.
„მინდა კიდევ ერთხელ გამოვხატო ჩემი მწუხარება ყველა იმ ადამიანის გამო, რომელიც აფხაზეთში განვითარებულ მოვლენებს შეეწირა. ჩვენ ყოველთვის გვემახსოვრება და პატივს მივაგებთ მათ ხსოვნას“ – აღნიშნა მცხეთა-მთიანეთის სახელმწიფო რწმუნებულმა შალვა კერესელიძემ.
ხელისუფლების წარმომადგენლები, ადგილობრივ მოსახლეობასთან ერთად, ძმათა სასაფლაოზე, დაღუპულთა სულების მოსახსენიებელ პანაშვიდსაც დაესწრნენ.