Доступно только по Грузински For the sake of viewer convenience, the content is shown below in the alternative language. You may click the link to switch the active language.
ახალი მეთოდოლოგიებისა და პროცედურების შესაბამისად, თვითმმართველობების მიერ საპროექტო წინადადებების შემუშავებასთან დაკავშირებით, მცხეთა-მთიანეთის სამხარეო ადმინისტრაციაში, ვანო ხუხუნაიშვილის სახელობის ეფექტიანი მმართველობის სისტემისა და ტერიტორიული მოწყობის რეფორმის ცენტრის ინიციატივით, გაცნობითი ხასიათის შეხვედრა გაიმართა. პროექტის მიზანს წარმოადგენს, მუნიციპალურ დონეზე, რეგიონული განვითარების სტრატეგიებისა და სამოქმედო გეგმის მნიშვნელობის განსაზღვრა, საპროექტო განცხადებების შემუშავება, მუნიციპალიტეტების სუსტი და ძლიერი მხარეების შეფასება, ასევე თვითმმართველობებში არსებული პრობლემების მიზანმიმართული განსაზღვრა. შეხვედრას, მცხეთა-მთიანეთის სახელმწიფო რწმუნებულის-გუბერნატორის პირველი მოადგილე კობა არაბული, რეგიონში შემავალი მუნიციპალიტეტების გამგებლების პირველი მოადგილეები, სამხარეო ადმინისტრაციის, თვითმმართველობების შესაბამისი სამსახურებისა და არასამთავრობო სექტორის წარმომადგენლები ესწრებოდნენ.