Доступно только по Грузински For the sake of viewer convenience, the content is shown below in the alternative language. You may click the link to switch the active language.
ქვემო ქართლში სახელმწიფო რწმუნებული-გუბერნატორი, მარნეულის მუნიციპალიტეტის მცხოვრებლებს შეხვდა. შოთა რეხვიაშვილი, ადგილობრივი ხელისუფლების წარმომადგენლებთან ერთად, პირადად იმყოფებოდა სოფლებში: დამია გეურარხი, სადახლო, ქვემო სარალი, ზემო სარალი, კასუმლო და კაჩაგანი.
რეგიონის გუბერნატორი ადგილობრივებს იმ საჭიროებებზე ესაუბრა, რომელიც სოფლების განვითარებას, კიდევ უფრო მეტად, შეუწყობს ხელს. ასევე, საუბარი შეეხო მუნიციპალიტეტში უკვე დასრულებულ და მიმდინარე ინფრასტრუქტურულ პროექტებს.
გუბერნატორმა მოსახლეობასთან ერთად, დიალოგის რეჟიმში განიხილა, ადგილზე, სამომავლოდ, განსახორციელებელი პრიორიტეტული სამუშაოები.
აღსანიშნავია, რომ შოთა რეხვიაშვილი, მსგავსი ფორმატის შეხვედრებს, ეტაპობრივად, რეგიონის ყველა მუნიციპალიტეტში გამართავს.