Доступно только по Грузински For the sake of viewer convenience, the content is shown below in the alternative language. You may click the link to switch the active language.
ბათუმის მერიაში შპს „ბათუმის წყალმა“ 2019 წლის სამოქმედო გეგმის პრეზენტაცია გამართა, რომელიც „ბათუმის წყლის“ გენერალურმა დირექტორმა, მარიკა გვიანიძემ წარადგინა.
სამოქმედო გეგმის მიხედვით წელს დაგეგმილია:
შემოერთებულ ტერიტორიებზე წყლის მაგისტრალური და გამანაწილებელი ქსელის შექმნა მოსახლეობის უწყვეტი წყალმომარაგების მიზნით. მოსახლეობის ახალ წყალარინების ქსელზე გადართვა ბარცხანისა და თამარის დასახლებებში.
ავტომატიზებული სისტემის SCADA განახლება და CCTV კამერების შესყიდვა.
ხელვაჩაურის წყალმომარაგების ქსელის დასრულება.
ჩაქვის სათავე ნაგებობაზე ჰიპოქლორიდის დანადგარის შეძენა.
წყალარინების ლაბორატორიის აკრედიტაცია და სასმელი წყლის კვლევის სპექტრის გაზრდა.
მიმდინარე წელსვე დასრულდება მახინჯაურის წყლის სამარაგო რეზერვუარის მშენებლობა, რაც მახინჯაურის, განთიადისა და თამარის დასახლებებში მცხოვრებ მოსახლეობას უწყვეტი წყალმომარაგების
შესაძლებლობას მისცემს.