Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
შსს-ს ერთობლივი ოპერაციების ცენტრს კვიპროსელი ჟურნალისტები ეწვივნენ. სტუმრებს შინაგან საქმეთა მინისტრის მოადგილე შალვა ხუციშვილმა უმასპინძლა. შალვა ხუციშვილმა უცხოელ ჟურნალისტებს მულტიფუნქციური და მაღალტექნოლოგიური ცენტრი დაათვალიერებინა და მის დანიშნულებასა და ფუნქციებზე ესაუბრა.
სტუმრები ე.წ. ჭკვიანი კამერებით და მათი მუშაობის სპეციფიკით დაინტერესდნენ, ასევე, რეალურ დროში ადმინისტრაციული სამართალდარღვევების გამოვლენისა და სატრანსპორტო ნაკადების მართვის პროცესს დააკვირდნენ.
შეხვედრის ბოლოს, შინაგან საქმეთა მინისტრის მოადგილემ კვიპროსელი ჟურნალისტების შეკითხვებს ამომწურავად უპასუხა და სამინისტროში მიმდინარე, ასევე დაგეგმილი პროექტები გააცნო.