Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
აჭარის ავტონომიური რესპუბლიკის მთავრობის თავმჯდომარემ თორნიკე რიჟვაძემ შუახევის მუნიციპალიტეტის მაღალმთიან სოფლებში წყალსადენის პროექტი დაათვალიერა. ინფრასტრუქტურული ღონისძიებების ფარგლებში, სოფელ ინწკირვეთის, ჩანჩხალოს და ნიგაზეულის მოსახლეობისთვის წყალმომარაგების პროექტი დასრულების ეტაპზეა.
„შუახევის მუნიციპალიტეტის მაღალმთიან სოფლებში წყალსადენის პროექტი დავათვალიერეთ, რომელიც 500-მდე აბონენტს მოემსახურება. მნიშვნელოვანია, რომ ინფრასტრუქტურულმა პროექტებმა პირდაპირი სარგებელი მოუტანოს ჩვენს მოსახლეობას, რისი მაგალითიცაა აღნიშნული პროექტი, რომელიც ძალიან მოკლე ვადებში განხორციელდა. იმედი მაქვს, სატესტო რეჟიმის დასრულების შემდეგ, სოფლის მოსახლეობას წყლით მომარაგების პრობლემა აღარ ექნება” – აღნიშნა თორნიკე რიჟვაძემ.
21 კილომეტრიანი წყალსადენი აჭარის ა.რ. მთავრობის მუნიციპალიტეტებში განსახორციელებელი პროექტების ფონდის დაფინასებით აშენდა. პროექტის ფარგლებში მოეწყო წყლის სათავე ნაგებობა, გამანაწილებელი აუზი, დამონტაჟდა საფილტრე დანადგარები. ამ ეტაპზე სამუშაოების ძირითადი ნაწილი დასრულებულია და მიმდინარეობს მისი სატესტო რეჟიმში შემოწმება.