Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დღეს კურორტ შეკვეთილში, ჩეხეთის საელჩოს თანადგომით კომპანია “L&R” – ის მიერ განხორციელებული პროექტების პრეზენტაცია გაიმართა. ჩეხურ – სლოვაკური პროექტი სასტუმროებსა და სასტუმროს ტიპის ბინებს აერთიანებს. კომპანიებმა ბოლო 3 წლის განმავლობაში შეკვეთილში 15 მილიონი ლარის ინვესტიცია განახორციელეს. პრეზენტაციას ოზურგეთის მუნიციპალიტეტის გამგებელი – მერაბ ჭანუყვაძე, გამგებლის მოადგილე, ბადრი გობრონიძე, ჩეხი და სლოვაკი ინვესტორები დაესწრნენ. გამგებელმა კომპანია “L&R” – ის დირექტორთან, ლევან შერაზადაშვილთან ერთად კომპანიის მიერ განხორციელებული პროექტები დაათვალიერა. “L&R” – ის პირველი პროექტის – სასტუმრო „ ლაგუნა შეკვეთილთან“ გახსნასთან დაკავშირებით საზეიმო ლენტიც გაიჭრა.
„მივესალმები უცხოელ ინვესტორებს და სტუმრებს. მადლობას ვუხდი მათ იმისთვის, რომ აირჩიეს შეკვეთილი და თავისი ბიზნესი აქ დაიწყეს. ჩეხურ – სლოვაკურმა კომპანიებმა საქართველოში არაერთი პროექტი განახორციელეს. მიმდინარეობს მოლაპარაკებები ახალ საინვესტიციო ჯგუფებთან. ჩვენ მაქსიმალურად ხელს შევუწყობთ ბიზნესის განვითარებას ჩვენს კურორტებზე და კომფორტული საინვესტიციო გარემოს შექმნას,“- განაცხადა გამგებელმა. ჩეხურ – სლოვაკური კომპანიები მომდევნო 2 წლის განმავლობაში შეკვეთილში კიდევ 20 მილიონ ლარს დახარჯავს.