ჩვენ საქართველოს პროგრესს მივესალმებით

Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.

ნატო ვარშავის სამიტზე საქართველოსა და უკრაინის ევროატლანტიკური მისწრაფებების მხარდაჭერის დემონსტრირებას მოახდენს. ამის შესახებ ნატო-ს გენერალურმა მდივანმა, იენს სტოლტენბერგმა ვარშავის საექსპერტო ფორუმზე სიტყვით გამოსვლისას განაცხადა.

„სამიტზე კიდევ ერთხელ მოხდება დემონსტრირება, რომ ნატო-ს კარი ღიაა. ჩვენ საქართველოსა და უკრაინასთან ვმუშაობთ, როგორც ახლო პარტნიორებთან. მხარს ვუჭერთ მათ რეფორმებს ნატო-ს სტანდარტების მისაღწევად“, – განაცხადა სტოლტენბერგმა.

მისი თქმით, არსებითი პაკეტი და ნატო-საქართველოს ერთობლივი საწვრთნელი ცენტრი მნიშვნელოვანი სიგნალია ნატო-ს მხარდაჭერისა საქართველოსთვის.

„ჩვენ საქართველოს პროგრესს მივესალმებით“, – აღნიშნა სტოლტენბერგმა.